«Ливерпуль» жұлдызы клубқа қатаң ультиматум қойды
Италиялық жартылай қорғаушы Федерико Кьезаның «Ливерпульдегі» болашағы үлкен сұрақ астында қалды, деп хабарлайды Sports24.kz тілшісі.
Gazzetta dello Sport-қа берген ашық сұхбатында ойыншы негізгі құрамда тұрақты ойнау — оның басты мақсаты екенін және осы мақсатқа жету үшін батыл қадамдарға баруға дайын екенін жеткізді.
«Энфилдте» италиялық үшін жағдай күрделі
Шабуылшы Англияға ауысқаннан кейін алаңға жиі шықпағанына көңілі толмайтынын жасырмайды, бұл оның мансабын айтарлықтай тежеді.
«Мен тұрақты түрде ойнағым келеді. Егер Премьер-лигада тұрақтылық таба алмасам, басқа команда іздеуге тура келеді. “Ливерпульдегі” алғашқы жылымда мен дерлік ойнаған жоқпын...» — деді ол.
Соңғы мүмкіндік
Дегенмен, Кьеза өзінің және клубтың тағдырына соңғы мүмкіндік бермек. Итальяндық ойыншы жазғы маусым алдындағы АҚШ-тағы турне кезінде жаңа бапкерлік штабқа өз әлеуетін дәлелдеуге тырысатынын растады.
«Мен АҚШ-тағы маусым алдындағы турнеге барамын, содан кейін клуб басшылығымен және жаңа бас бапкер Ираоламен сөйлесемін, сосын көреміз», — деп түйіндеді Кьеза.
Айта кетейік, осы маусымда италиялық футболшы мерсисайдтықтар сапында барлық жарыстарда 36 матч өткізіп, 3 гол соғып, 3 нәтижелі пас берді.
Еске сала кетейік, мерсисайдтық клуб ресми түрде испаниялық бапкер Андони Ираоланы жаңа бас бапкер етіп тағайындады.
