«Қысымға төтеп берді». Әли Әлиев Өзбекстанның ӘЧ-дегі дебютін бағалады
Қазақстан құрамасының және «Жеңіс» клубының бұрынғы бапкері Әли Әлиев Өзбекстанның әлем чемпионатындағы Колумбияға қарсы дебюттік матчы туралы пікір білдірді (1:3), деп хабарлайды Sports24.kz.
Қазақстандық маман өзбектердің колумбиялықтарға қарсы өнерін жоғары бағалады.
«Ацтекадағы матч – бұл Орталық Азия командалары үшін әлем чемпионатындағы дебют болды. Өзбекстан лайықты ойын көрсетті. Команда ұйымдасқан еді. Қарсыластың күшін шынайы бағалап, соған сай тактика таңдағаны анық көрінді.
Менің ойымша, соғылған гол – бұл кездейсоқтық емес, нақты ойынға арналған стратегия болды. Олар дұрыс сәтті таңдады да, Шомуродов пен Аббосов бірігіп гол жасады. Сондықтан алғашқы гол, алғашқы эмоциялар бар – дебют сәтті өтті деп санаймын. Өзбекстан құрамасын алғашқы голымен, дебютімен құттықтаймын.
Бір ғана мәселе – аздап қобалжу, спорттық алаңдау сезілді, бұл – қалыпты жағдай, себебі бұл алғашқы ойын. Өзін әлем алдында, басқа командалар мен беделді стадион алдында көрсету оңай емес. Әсіресе, атақты «Ацтека» стадионында. Менің ойымша, олар қысымға төтеп беріп, өз міндетін орындап шықты», – деді Әлиев.
Өзбекстан Колумбияға лайықты қарсылық көрсетті, бірақ 1:3 есебімен жеңіліп қалды. Екінші таймда өзбек жартылай қорғаушысы Аббосбек Файзуллаев құраманың әлем чемпионаттарындағы алғашқы голын соқты.
