Глазгодағы сынақ: «Қайрат» қорғаушысы ойымен бөлісті
Алматылық «Қайраттың» қорғаушысы Дамир Қасабулат Чемпиондар лигасының плей-офф кезеңіндегі Шотландияның «Селтигіне» қарсы маңызды кездесу алдында пікір білдірді, деп хабарлайды клубтың баспасөз қызметі.
«Әрбір матч біз үшін маңызды. Жеңіске жету үшін бар күшімізді саламыз және толық дайынбыз. «Селтик» – зор тәжірибесі бар, жыл сайын дерлік Чемпиондар лигасының топтық кезеңінде өнер көрсететін команда. Бірақ біздің мақсатымыз ортақ және біз соған ұмтыламыз. Ал менің алаңдағы позициям бойынша – жаттықтырушылар штабы қай жерге қойса, сол орында ойнаймын. Бұл сенім мен үшін аса маңызды», – деді футболшы.
Алғашқы матч Глазгодағы әйгілі «Селтик Парк» стадионында 20 тамыздан 21 тамызға қараған түні өтеді.
Қайта матч 26 тамыз күні Алматыдағы Орталық стадионда болады. Ойын жергілікті уақытпен 21:45-те басталады.
Айта кетейік, Чемпиондар лигасының үшінші іріктеу кезеңінде «Қайрат» братиславалық «Слованды» пенальти сериясында жеңіп, келесі кезеңге өткен еді.
Сондай-ақ Роджерс «Қайратпен» айқастан не күтеді екенін айтты.
