«Біз топ-командамен ойнадық!» Уразбахтин «Селтикті» ең қатал қарсылас деп атады
«Қайрат» бас бапкері – «Селтик» туралы
Футбол
Темірбеков Самрат
Журналист
ФОТО:Getty Images
«Қайраттың» бас бапкері Рафаэль Уразбахтин Шотландияның «Селтик» клубын Чемпиондар лигасында кездескен ең қатал команда деп атады.
«Чемпиондар лигасында барлық командалар жоғары деңгейде – біз бұған дейін кімдермен ойнасақ та, «Селтик» те солардың қатарында. Қаталдық тұрғысынан алсақ… Біз топ-командамен ойнадық! Мұнда тартысты ойындар да көбірек болады, әрі одан да қаттырақ болады.
Жігіттердің бәрі жақсы түсінеді: егер біз осы кезеңге дейін жеткен болсақ, онда қарсыластың қаталдығына шағымданбай, өз деңгейімізді көрсетуіміз керек», – деді бас бапкер.
Еске сала кетейік, «Қайрат» пен «Селтиктің» матчы 0:0 есебімен аяқталды. Алматы клубы сырт алаңда тең ойнап, енді 26 тамызда өз жанкүйерлері алдында шотландтарды қабылдайды.
