Заруцкий Селтикке қарсы қарымта ойынға қатыса алмайды
Алматылық «Қайраттың» бас қақпашысы Александр Заруцкий шотландиялық «Селтикке» қарсы Чемпиондар лигасының іріктеу кезеңінің плей-офф кезеңіндегі қарымта матчта жарақатынан дер кезінде жазылып үлгермейді.
Sports24.KZ хабарлағандай, Заруцкийдің жарақатының көлемі оның қарымта матчқа дейін дер кезінде жазылып кетуіне мүмкіндік бермеуі әбден мүмкін.
Чемпиондар лигасының іріктеу кезеңіндегі «Селтик» - «Қайрат» арасындағы алғашқы ойын 0:0 есебімен тең аяқталды. Бірінші кездесудің екінші таймында алматылық команданың бас қақпашысы Александр Заруцкий жарақат алып қалды. Ал орнына Темірлан Анарбеков алаңға шықты.
Қарымта кездесу 26 тамызда Алматыда өтеді.
Заруцкийден басқа шабуылшы Дастан Сәтбаев (сары қағаздың жиналуына байланысты), сондай-ақ Луис Мата мен Джорджи Зария (екеуі де жарақатына байланысты) Алматыдағы қарымта матчты өткізіп жіберуге мәжбүр болады.
