«Динамо» Зайнутдиновтың қалпына келу барысын көрсетті
Мәскеулік «Динамо» клубының баспасөз қызметі Қазақстан құрамасының ойыншысы Бахтиёр Зайнутдиновтің жаттығу барысындағы суреттерін жариялады, деп хабарлайды Sports24.kz.
Ұлттық құрама тарихындағы ең үздік сұрмерген қазір Қытайда жүр. Команда демалыста болған кезде «Динамо» ойыншысын Аспан асты елінде тығыз бағдарлама күтіп тұр.
«Сапарда жүрсең де, күнделікті жаттығуды ұмытпау керек. Баха бәріне үлгеріп жүр», – деп жазылған жазбада.
Зайнутдинов жарақатынан кейін қалпына келуін жалғастыруда
Бахтиёр Зайнутдинов 2025 жылдың жазында түркиялық «Бешикташтан» 2,5 миллион еуроға ауысып, мәскеулік «Динамо» сапына қосылды. Бұған дейін қазақстандық футболшы Мәскеудің ЦСКА, «Ростов», «Астана» және «Тараз» клубтарында өнер көрсеткен.
Зайнутдинов «Динамо» құрамындағы соңғы ресми матчын 2025 жылғы 19 қазанда «Ахматқа» қарсы өткізді. Осы кездесуден кейін қорғаушы жарақат алып, содан бері елордалық клуб сапында алаңға шыққан жоқ.
Зайнутдиновтің жетістіктері
Зайнутдинов – Қазақстан құрамасы тарихындағы ең үздік сұрмерген. Ұлттық құрама сапында ол 44 матчта 15 гол соғып, бір нәтижелі пас берген.
Кәсіби мансабында футболшы 2018 жылы Қазақстан чемпионы атанып, 2023 жылы Ресей кубогын, ал 2024 жылы Түркия кубогын жеңіп алды.
Сондай-ақ оқыңыз: Зайнутдиновтің «Ордабасының» қызығушылығына реакциясы белгілі болды
