«Динамода» Зайнутдиновтың қалпына келу мерзімі айтылды
«Динамода» Бахтиёр Зайнутдиновтың қалпына келу мерзімі айтылды, деп хабарлайды Sports24.kz.
Мәскеулік клубтың бас директоры Павел Пивоваров қазақстандық футболшының операциядан кейін қалпына келуін жалғастырып жатқанын және халықаралық үзілістен соң алаңға оралуы мүмкін екенін айтты.
Еске салайық, Зайнутдинов ауыр жарақатына байланысты өткен жылдан бері алаңға шыққан жоқ. Қазан айында футболшы «Ахматқа» қарсы матчта ауыр жарақат алып, маусымның соңына дейін қатардан шыққан еді.
2025/26 жылғы маусымда Қазақстан құрамасының жартылай қорғаушысы мәскеулік клуб сапында он матчқа қатысты, алайда нәтижелі әрекеттерімен көзге түсе алмады. 2026 жылдың жазында Зайнутдинов операция жасатып, содан бері оңалтудан өтіп, сапқа қайта қосылуға дайындалып жатыр.
Айта кетейік, Ресей Премьер-лигасындағы сегіз турдан кейін Зайнутдиновтың «Динамосы» турнир кестесінде екінші орында тұр (16 ұпай). Мәскеулік команда көш бастап тұрған «Краснодардан» төрт ұпайға қалып келеді.
