Бублик – Алькарас. Лэйвер кубогіндегі 2026 жылғы жұптық матч. Онлайн көру. LIVE-трансляция
25 қыркүйекте Лондонда ерлер теннисіндегі ең беделді турнирлердің бірі — Лэйвер кубогі басталады. Оған Александр Бублик те қатысып, алғашқы ойын күнінде бірден екі матч өткізеді. Екіншісінде оған әлемнің үшінші ракеткасы Карлос Алькарас қарсы тұрады, деп хабарлайды Sports24.kz.
Алайда Бублик испандық теннисшімен жеке өзі емес, әлем құрамасының сапында америкалық Тэйлор Фрицпен жұптасып күш сынасады. Ал Алькарас Еуропа құрамасы үшін жұптық матчта чехиялық Якуб Меньшикпен бірге ойнайды.
Биыл Бублик жұптық бәсекелерде айтарлықтай тұрақтылық танытып жүр — 2026 жылдың басында Қазақстан құрамасы сапында Дэвис кубогінде өткізген матчын есепке алсақ, Лэйвер кубогіндегі ойын ол үшін жұптағы 13-матч болады.
Қытайлық Юнчэн Шанмен соңғы жұптық ойынын ол US Open турнирінде өткізді — жұп Себастьян Баэс пен Фабиан Марожанды 2:0 есебімен жеңді, алайда келесі кезеңдегі матчқа шықпай, техникалық жеңіліске ұшырады.
Ал Бублик Алькараспен осыған дейін бір-ақ рет кездескен — 2026 жылғы Монте-Карлодағы «Мастерс» турнирінің ширек финалында әлемнің үшінші ракеткасына 3:6, 0:6 есебімен жол берген. Қазақстандық теннисші чехиялық ойыншымен әлдеқайда жиі ойнаған: бір рет қана жеңіп, соңғы екі матчта жеңіліс тапты.
Қарсыластықтың жаңа тарихы қалай өрбитіні Бубликтің Рафаэль Ходармен жекелей кездесуінен кейін белгілі болады (шамамен Астана уақытымен 26 қыркүйекке қараған түні). Матч трансляциясы Eurosport 1 телеарнасында көрсетіледі.
