«Біз жетістікке жетеміз»: Словакия көшбасшысы Ұлттар лигасындағы топ жеңісі жолында Қазақстанға сын тастады
Англияның «Тоттенхэм» клубы мен Словакия құрамасының қақпашысы Мартин Дубравка алдағы Ұлттар лигасы додасында өз командасының мүмкіндіктерін бағалады, деп хабарлайды Sports24.kz.
Ұлттық құрама сапында 60 матч өткізген тәжірибелі 37 жастағы қақпашы топтың фавориті дәл Словакия деп санайды. Дегенмен, оның орынды атап өткеніндей, бұл мәртебені әлі де алаңда дәлелдеу қажет:
«Иә, біз фаворит саналамыз, дегенмен бұл әрдайым оңай бола бермейді. Бірақ мен әдетте айтатынымдай, бәрі өзімізге байланысты болады. Біз белсенді ойнауымыз керек және жетістікке жететінімізге сенемін», — деді Дубравка Словакия футбол федерациясы келтірген баспасөз мәслихатындағы сөзінде.
Еске сала кетейік, Словакия Ұлттар лигасының топтық кезеңінде Қазақстан құрамасының үш қарсыласының бірі болады. Командалар 29 қыркүйекте Словакияның Кошице қаласында ойнаса, қарымта кездесу 16 қарашада Астанада топтық кезеңнің соңғы туры аясында өтеді.
Бұған дейін Словакия құрамасының бас бапкері Владимир Вайсс өз шәкірттерінің топты жеңе алмауын масқаралық деп атаған — бұл ойыншыларға да, маманның өзіне де қатысты екенін айтқан.
