Бабаян «Астана» клубының жаңа инвесторы туралы сұраққа жауап берді
«Астананың» бас бапкері Григорий Бабаян елордалық клубтың жаңа инвесторы туралы сұраққа жауап берді, деп хабарлайды Sports24.kz, Sports.kz-ке сілтеме жасап.
Бапкердің айтуынша, қазіргі уақытта клубта инвестор жоқ, барлығы ресми растауды күтіп отыр.
Бұған дейін белгілі кәсіпкер Бахтияр Оспанов аудит аяқталғаннан кейін елордалық клубты басқаруға араласуы мүмкін екені хабарланған болатын.
— Бүгінгі ойында әлеуетті инвестор болды. Осы бағытта бірдеңе... Жаңа ғана ойыншыларды ақша ынталандырады деп айтты. Осы тұрғыдан алғанда, команда маусым соңына дейін өзін қамтамасыз ете алды ма?
— Білесіз бе, мен көптеген жаңалықты сіздерден естимін. Өйткені бүгінгі құрамдар туралы да, сіздерде ақпарат көбірек сияқты. Бірақ шын айтар болсам, әзірге ресми ештеңе жоқ, бәріміз ресми растауды күтіп отырмыз, қазір біздің инвесторымыз жоқ. Біз онда уақытша мәселелерді шештік. Осындай жағдайда бізге қазір көмектесіп жатқан барлық адамдарға рақмет, футболшыларға үш жалақы төленді. Бірақ біз мұның ресми түрде қашан болатынын әлі де күтіп отырмыз және өз жұмысымызды 100%.
Айтпақшы, Бабаян Қазақстан Премьер-лигасының 27-турының орталық матчынан кейін Уразбахтиннің «шапитосына» өткір жауап берді.
