Қазақстанның Ұлттар лигасындағы төрт матчқа арналған өтінімі белгілі болды: Сатпаев кірді ме?

Қазақстан құрамасының бас бапкері Джон ван’т Скип ұлттық құраманың тізгініндегі алғашқы өтінімін бекітіп, команданың қыркүйек-қазан айларындағы оқу-жаттығу жиынына 28 футболшыны таңдады, деп хабарлайды Sports24.kz.

«Бернли» сапында алған жарақатына байланысты оқу-жаттығу жиынын Дастан Сатпаев өткізіп алады. Оның орнына ұлттық құрамаға «Сабахтың» қақпашысы Стас Покатилов қайта оралды. Соңғы өтінім мынадай:

• Қақпашылар: Темірлан Анарбеков («Қайрат»), Стас Покатилов («Сабах», Әзербайжан), Бекхан Шайзада («Ордабасы»), Александр Заруцкий («Ақтөбе»)
• Қорғаушылар: Әлібек Қасым («Астана»), Ян Вороговский («Астана»), Нұралы Әліп («Зенит», Ресей), Сергей Малый («Ордабасы»), Александр Широбоков («Қайрат»), Наурызбек Жағоров («Тобыл»), Александр Мрынский («Қайрат»), Арсен Аширбек («Елімай»)
• Жартылай қорғаушылар: Рамазан Оразов («Елімай»), Исламбек Қуат («Жеңіс»), Бауыржан Исламхан («Астана»), Дінмұхамед Қараман («Астана»), Жасұлан Әмір («Ордабасы»), Дамир Қасабулат («Қайрат»), Георгий Жуков («Ақтөбе»), Исмаил Бекболат («Қайрат»)
• Шабуылшылар: Ислам Чесноков («Крылья Советов», Ресей), Максим Самородов («Ахмат», Ресей), Елхан Астанов («Ордабасы»), Ғалымжан Кенжебек («Ахмат», Ресей), Азамат Тұяқбаев («Қайрат»), Рамазан Кәрімов («Астана»), Артур Шушеначев («Ақтөбе»), Станислав Басманов («Астана»)

Еске салайық, алдағы оқу-жаттығу жиынында ван’т Скип шәкірттері Фарер аралдарына қарсы екі матч, сондай-ақ Словакия мен Молдоваға қарсы бір-бір ойын өткізеді. Олардың барлығы УЕФА Ұлттар лигасының топтық кезеңі аясында өтеді.

Жантөре Қайсаров

Редактор

0 0 0 0 0 0