Қазақстанның Лихтенштейнді жеңгеннен кейінгі ӘЧ-2026 іріктеу тобындағы жағдайы
Наурыздың 25-інен 26-сына қараған түні 2026 жылғы әлем чемпионатына іріктеу турнирінің J тобында екі ойын өтті.
Қазақстан құрамасы Лихтенштейн құрамасын 2:0 есебімен сенімді түрде жеңді. Солтүстік Македония мен Уэльс 90-минуттан соң бір-бір гол соғып, тең нәтиже тіркеді.
Іріктеу кезеңінің екінші турының нәтижесінде алғашқы екі орын өзгеріссіз қалды. Бір ұпайды бөліскен македониялықтар мен валлиялықтар 4 ұпаймен көш бастап тұрды. Қазақстан құрамасы алғашқы үш ұпайын жинап, үшінші орынға көтерілді. Бельгия Ұлттар лигасының ойындарына байланысты іріктеу кезеңін әлі бастаған жоқ және ұпайсыз 4-ші орында. Лихтенштейн бірде-бір гол соқпай, бес гол жіберіп алып, топтың соңғы орнында қалды.
Қазақстан құрамасы келесі ойынын 9 маусым күні Солтүстік Македонияға қарсы өткізеді. Матч қазақстандықтардың өз алаңында өтеді.
Байланысты командалар мен лигалар
Футбол
Бүгін 06:03
