«Апатия»: Клопп Мексика — ОАР арасындағы матчты қатаң сынға алды
«Ливерпульдің» бұрынғы бас бапкері Юрген Клопп 2026 жылғы әлем чемпионатының ашылуындағы Мексика мен Оңтүстік Африка Республикасы арасындағы матчқа (2:0) қатты ренжігенін Sports24.kz хабарлайды.
Неміс маманының айтуынша, екі команда да өте төмен деңгейдегі футбол көрсетті.
58 жастағы бұрынғы «Боруссия Дортмунд» пен «Ливерпуль» бапкері кеше өткен әлем чемпионатының ашылу матчындағы Мексика мен ОАР ойынына қатысты пікірін ашық айтты.
Клопптың айтуынша, кеше көрсетілген ойын деңгейі әлем чемпионатындай турнирден күтілетін стандарттан әлдеқайда төмен болды.
«Бұл тактикалық тұрғыда нағыз сәтсіздік болды! Ешбір команда жақсы ойнаған жоқ. Қарсыласың алаңда он адаммен қалғанда, ал сен тоғыз адаммен ойнап жатсаң да, олар сені қарсы шабуылда ұстап алады... Неге? Себебі қорғаныс тым төмен орналасты. Бұл мәселе бүкіл матч бойы жалғасты. Оңтүстік Африка осы мүмкіндікті мүлдем пайдалана алмады. Бұл өте сапасыз ойын болды», — деді Клопп.
Клопптың сынына қарамастан, кеше өткен матч әлем чемпионаттары тарихында ерекше есте қалды: бірден үш қызыл қағаз көрсетіліп, Мексика Уго Броос командасын еш қиындықсыз жеңді.
