«Андерлехт» жанкүйерлері «Қайратпен» алғашқы матчтағы есепке көңілі толмады: мәселе неде?

Еуропа Лигасы

20.08.2026, Аяқт.

Кайрат

0

Андерлехт

3

«Қайрат» Еуропа лигасының плей-офф кезеңіндегі алғашқы матчта «Андерлехттен» Алматыда 0:3 есебімен ірі жеңіліске ұшырады, алайда бельгиялық жанкүйерлер бұл нәтижеге риза болған жоқ, деп хабарлайды Sports24.kz.

Бельгия алпауытының жанкүйерлері «Андерлехт» Александр Широбоков алаңнан қуылған соң сан басымдығын толық пайдалана алмады деп наразылық білдірді. Олар бельгиялық команда әлдеқайда көп гол соғуы тиіс еді деп санайды:

• «Жақсы бірінші тайм, әлсіздеу екінші тайм... Мүмкіндіктерді жақсырақ жүзеге асыруды және матчты соңына дейін жеткізуді үйрену керек. Оңайынан 5:0 не 6:0 болып аяқталуы мүмкін еді».
• «Екінші тайм өте нашар болды. 3:0 есебімен жеңгеніміз жақсы, бірақ он адамға қарсы тек 3:0-мен шектелуге болмайды!»
• «Өте тамаша бірінші тайм, бірақ екінші таймда, өтінемін, бейқамдықты азайтыңдар».
• «Кешіріңіздер, бірақ ойынымыз тағы да баяу әрі салақ болды. Тіпті он адамға қарсы да дұрыс мүмкіндік жасай алмадық. Қарсыластың әлсіздігі ғана көмектесті».

Еске сала кетейік, Широбоков алаңнан қуылғаннан кейін «Андерлехт» тек бір рет гол соға алды — оны украин шабуылшысы Даниил Сикан бірінші таймға қосылған қосымша минуттарда енгізді. Бұл гол соңғы есепті белгіледі — 3:0, «Қайраттың» пайдасына емес. Қайта матч 27 тамыз күні Брюссельде өтеді.

Жантөре Қайсаров

Редактор

1 0 0 0 0 0