«Андерлехт» бапкері «Қайратқа» қарсы ойында құрам ротациясының мүмкіндігін бағалады
«Андерлехт» бас бапкері Витор Бруну Еуропа Лигасы іріктеу плей-офф кезеңінің қарымта матчында «Қайратқа» қарсы кездесуінде ойын уақытын аз алатын футболшыларға мүмкіндік бересіз бе деген сұраққа қатысты пікір білдірді, деп хабарлайды Sports24.kz.
Бельгиялық команданың жаттықтырушысы Рафаэль Уразбахтин шәкірттері ойын тағдырын өзгертуге тырысатынын анық аңғартты, алайда ол бұған жол бермеу үшін бар күшін салатынын айтты. Оның ішінде — құрам таңдау арқылы:
«Олар қалаған нәтижеге жету үшін барын салады деп ойлаймын. Футболда бәрі мүмкін, оған тарих талай рет дәлел болды. Ең бастысы — өз жоспарымыздан таймай, міндетімізді орындауды жалғастыруымыз керек.
Жеңіс маңызды, мен ешқашан футболшыны жай ғана минут алу үшін алаңға шығармаймын. Қарсыласты сараптай отырып, кім ойнайтынын анықтаймыз. Оның үстіне, кейде қосалқы құрам ойыншылары негізгі құрамға қарағанда матчқа көбірек әсер етеді, сондықтан әрдайым бірінші 11 ойыншымен шектеліп қалмау керек», — деп атап өтті Бруну баспасөз мәслихатында.
Айта кетейік, Еуропа Лигасы іріктеу плей-офф кезеңінің қарымта матчы «Андерлехт» пен «Қайрат» арасында 27 тамыз күні сағат 23:45-те (Астана уақыты бойынша) Брюссельде өтеді. Алматыдан келген делегация матч өтетін жерге ертерек жетті.
