Қайтар жол жоқ: Роналду Жезус басқарған Португалия құрамасында ойнаудан бас тартты
«Алтын доптың» бес дүркін иегері Криштиану Роналду Жорже Жезус бас бапкер болып тұрған кезде Португалия құрамасына оралмау туралы үзілді-кесілді шешім қабылдады, деп хабарлайды Sports24.kz.
CNN Portugal телеарнасының мәліметінше, 41 жастағы шабуылшы Жезустың жақында болған оқиғаға реакция танытып, капитанның наразылығын көпшілікке жария еткеніне қатты ашулы.
Шабуылшыға жақын адамдар диалог жүргізу мүмкін емес екенін алға тартады: Криштиану жаттықтырушыдан толық көңілі қалып, оған сенімін тоқтатты және бірқатар орындалмаған уәделерден кейін оған деген барлық құрметін жоғалтты.
Қалыптасқан жағдайда Португалия федерациясы күрделі таңдау алдында қалды: аты аңызға айналған сұрмергеннің оралуы жаттықтырушылар штабы мерзімінен бұрын қызметтен кеткен жағдайда ғана мүмкін болады.
Айта кетейік, Криштиану халықаралық футбол тарихындағы ең үздік сұрмерген саналады: ол Португалия құрамасы сапында 234 матчта 146 гол соққан. Ол команданы Еуро-2016 турнирінде және 2019 жылғы УЕФА Ұлттар лигасында жеңіске жеткізді.
