Покатиловтың «Сабахы» Чемпиондар лигасындағы алғашқы қарсыласын білді
Ұлыбританияға алыс сапар күтіп тұр
Футбол
Жантөре Қайсаров
Редактор
Фото: ФК Сабах
16 маусымда Чемпиондар лигасының алғашқы іріктеу кезеңінің жеребесі өтті. Бұл кезеңде «Қайратпен» қатар, Стас Покатилов өкілдік ететін «Сабах» та өз қарсыласын білді, деп хабарлайды Sports24.kz.
Әзірбайжан чемпионы, Чемпиондар лигасында алғаш рет бақ сынағалы отырған «Сабах» екінші іріктеу кезеңіне өту үшін Уэльстің «Нью-Сэйнтс» командасымен күш сынасады. Алғашқы ойын шілденің 7-і немесе 8-і күні «Сабахтың» алаңында өтсе, қарымта кездесу 14 немесе 15 шілде Уэльсте болады.
Покатиловпен келісімшартты ұзарту туралы әзірге ақпарат жоқ. Қазіргі келісім 2026 жылдың 30 маусымына дейін жарамды.
