US Open-2026: қазақстандық теннисшілер қашан ойнай бастайды
30 қыркүйекте теннистен АҚШ ашық чемпионатының негізгі кезеңіндегі матчтар басталады, деп хабарлайды Sports24.kz.
Қазақстан турнирде ерлер және әйелдер арасындағы жекелей сында өнер көрсетеді. Алғаш болып кортқа Александр Шевченко мен Александр Бублик шығады.
Шевченко 30 тамызда ATP рейтингінде 101-орында тұрған хорватиялық Дино Призмичке қарсы ойнайды. Кездесу Астана уақытымен сағат 20:00-де басталады.
31 тамыз күні таңертең Александр Бублик жарыс жолына қосылады. Қазақстанның бірінші ракеткасы турнирдегі алғашқы матчында әлемнің 248-ракеткасы, АҚШ өкілі Джеффри Вулфпен кездеседі. Ойын таңғы 05:30-да басталады.
Елена Рыбакина турнирдегі алғашқы матчында WTA рейтингінде 580-орында тұрған 17 жастағы америкалық теннисші Теа Фродинмен кездеседі. Юлия Путинцева жарысты Швейцария өкілі, WTA рейтингінің 12-ракеткасы Белинда Бенчичке қарсы матчпен бастайды.
Рыбакина мен Путинцеваның кездесулері 1 қыркүйекке, сағат 20:00-ге жоспарланған.
Еске салайық, US Open турнирінің қазіргі чемпиондары – Арина Соболенко мен Карлос Алькарас.
