Рыбакина US Open алдында аспаз рөлінде өзін сынап көрді
Елена Рыбакина АҚШ ашық чемпионаты қарсаңында аспаз рөлінде өзін сынап көрді, деп хабарлайды Sports24.kz.
Қазақстанның бірінші ракеткасы The Parliament мекемесінде Карен Хачанов және Маттео Арнальди сынды басқа да теннис жұлдыздарымен бірге балмұздақ дайындады.
Еске сала кетейік, қазақстандық теннисші Цинциннатидегі турнирдің ширек финалында польшалық Ига Швёнтекке қарсы матчта жарақат алып, ойынды аяқтай алмады. Кейін Рыбакина аяғындағы проблеманың біраз уақыттан бері мазалап жүргенін, ал жүктемелердің әсерінен ауырсыну күшейіп, жүре алмайтындай жағдайға жеткенін айтты.
US Open нәтижелері бойынша Рыбакина жеке сында алғаш рет әлемдік рейтингте бірінші орынға көтерілу мүмкіндігіне ие. Ол үшін турнирдің жартылай финалына шығуы қажет.
Айта кетейік, US Open әйелдер арасындағы жекелей сындағы алғашқы матчтар, онда Елена өнер көрсетеді, 31 тамыз бен 1 қыркүйекке жоспарланған. Нью-Йорктегі турнирдің финалы 12 қыркүйекте өтеді.
Бұған дейін біз Рыбакинаның US Open-да рекордтық төлем алуы мүмкін екенін хабарлаған едік.
