Путинцева Билли Джин Кинг кубогының финалдық кезеңі алдында жарияланымымен интрига тудырды
Қазақстандық теннисші Юлия Путинцева Билли Джин Кинг кубогының финалдық кезеңі алдында жарияланымымен бөлісті, деп хабарлайды Sports24.kz.
«Келесі аялдаманы табыңыздар», – деп жазды Путинцева Қазақстан құрамасының формасындағы суретін жариялап.
Қазақстан құрамасы әлемнің ең мықты сегіз құрамасының қатарына еніп, Қытайдың Шэньчжэнь қаласында өтетін әлем чемпионатында өнер көрсетеді. Турнир 22-27 қыркүйек аралығында өтеді.
Қазақстан командасы турнирдегі алғашқы матчын Испания құрамасына қарсы өткізеді. Ширек финалдық кездесу 23 қыркүйекте сағат 14:00-де (Қазақстан уақытымен) өтеді.
Әрбір қарсыластық үш матчтан тұрады: екі жекелей кездесу және бір жұптық ойын.
Еске салайық, Қазақстан құрамасы биыл сәуірде Канада командасын өз алаңында жеңудің арқасында (3:1) турнирдің финалдық кезеңіне жолдама алды. Трофейдің қазіргі иегері – Италия құрамасы.
