Forbes Рыбакинаның табысын есептеді: теннисші қанша ақша тапты?
Әлемге әйгілі Forbes порталы Елена Рыбакинаны 2026 жылы ең көп табыс тапқан теннис өкілдерінің ондығына қосты, деп хабарлайды Sports24.kz.
28 тамыздағы жағдай бойынша Қазақстанның бірінші ракеткасының табысы 17,4 миллион долларды құрайды, бұл оған әлемдік рейтингте оныншы орынға орналасуға мүмкіндік берді. Үздік ондықтағы спортшылардың алтауы — әйелдер, сондықтан әйелдер арасындағы рейтингте Рыбакина алтыншы орында.
Дегенмен алғашқы екі орынды ерлер иеленді: 58 миллион доллар табыс тапқан Янник Синнер және 53,7 миллион доллар заработок тапқан Карлос Алькарас. Әйелдер арасында көш бастап тұрған Серена Уильямстың табысы 44,3 миллион долларды құрайды. Ал әйелдер арасындағы рейтингтің қазіргі көшбасшысы Арина Соболенко 36,1 миллион доллар тапқан.
Айта кетейік, Forbes рейтингінде көрсетілген сомаға тек турнирлердегі жүлде қоры ғана емес, демеушілік келісімшарттар және теннисшілерге табыс әкелетін басқа да қызмет түрлері кіреді.
