Александр Бублик — Рафаэль Ходар. Қазақстандық теннисші беделді турнирде. Онлайн көру. LIVE-трансляция
25 қыркүйекте Лондонда ерлер арасындағы ең жұлдызды турнирлердің бірі — Лейвер кубогі басталады. Алғашқы ойын күнінде Александр Бубликтің (АТР рейтингінде №21) испаниялық Рафаэль Ходарға (АТР рейтингінде №14) қарсы кездесуі де өтеді, деп хабарлайды Sports24.kz.
Бублик үшін бұл алғашқы ойын күнінде әлем құрамасы сапындағы алғашқы матч болады, өйткені кейін ол жұптық разрядта америкалық Тэйлор Фрицпен бірге испаниялық Карлос Алькарас пен чехиялық Якуб Меньшикке қарсы ойнайды.
Алайда алдымен Бублик Ходарға қарсы әлем құрамасының намысын қорғауы керек. Бір қызығы, теннисшілер АТР рейтингінде жоғары орындарда тұрғанына қарамастан, бұған дейін өзара кездескен емес. Сондықтан Ходар мен Бублик үшін бұл алғашқы кездесу болмақ.
Александр Бублик — Рафаэль Ходар матчы Лейвер кубогінің кешкі бағдарламасын ашады — кездесу 25 қыркүйекте Астана уақытымен сағат 23:00-де басталады. Ойынның тікелей трансляциясы Eurosport 1 телеарнасында көрсетіледі.
