Видео: О’Мэлли Ақ үйдегі тарихи турнирде қарсыласын нокаутқа түсірді
Шон О’Мэлли UFC Freedom 250 турнирінде жарқын жеңіске жетті, деп хабарлайды Sports24.kz.
Жеңіл салмақтағы UFC-дің бұрынғы чемпионы Вашингтонда өткен турнир аясында канадалық Айманн Захабимен кездесті.
Жекпе-жек үш раундқа жоспарланғанымен, төрешілердің шешіміне дейін жеткен жоқ. Екінші раундта О’Мэлли қарсыласын нокаутқа түсіріп, мерзімінен бұрын жеңіске жетті.
Осылайша америкалық файтер аралас жекпе-жектегі кәсіби мансабындағы 20-жеңісіне қол жеткізді. Ал Захаби өз мансабындағы үшінші жеңілісіне ұшырады.
UFC Freedom 250 турнирі ұйым тарихындағы ерекше оқиғаға айналды. Себебі UFC алғаш рет турнирін АҚШ президентінің ресми резиденциясы - Ақ үй аумағында өткізуде.
Кештің басты жекпе-жегінде жеңіл салмақтағы UFC чемпионы Илия Топурия мен уақытша чемпион Джастин Гэтжи чемпиондық белбеу үшін октагонға шығады. Жекпе-жекке тікелей көрсетілім.
Жеңіліп көрмеген Топурия бұл кездесуге 17 жеңіс көрсеткішімен келсе, Гэтжи кәсіби мансабындағы 28-жеңісіне қол жеткізіп, чемпиондық белбеулерді біріктіруге тырысады.