Дана Уайт: Джонсты Ақ үй турниріне қоса алмаймын
UFC президенті Дана Уайт Ақ үй аумағында өтетін турнирде Джон Джонстың қатысу мүмкіндігіне қатысты пікір білдірді.
Жекпе-жекші бұл шарада октагонға шығуға ниет білдіргенімен, промоушен басшысы оған басты рөлді сеніп тапсыра алмайтынын айтты:
«Оның кім екенін білесіздер. Мен мұндай ірі турнирлер мен беделді алаңдарда, әсіресе Ақ үйдегі шоуда тәуекелге бара алмаймын», — деп атап өтті Дана Уайт Championship Rounds басылымына берген сұхбатында.
Оның айтуынша, мұндай оқиғаны ұйымдастыру үлкен жауапкершілікті талап етеді: оған қоғам мен БАҚ-тың назар аударуы жоғары, сондықтан кез келген кішігірім мәселенің салдары ауыр болуы мүмкін. Сол себепті Джонс басты жекпе-жекке үміткер ретінде қарастырылмайды.
Бұған дейін Уайт Ақ үйде турнир өтетінін растап берген болатын.