Ауыр нокаутпен және жедел жәрдем көмегімен аяқталған Қазақстан — Өзбекстан жекпе-жегі
Қазақстан — Өзбекстан арасындағы MMA жекпе-жегі ауыр нокаутпен аяқталып, қазақстандық спортшыға жедел жәрдем көмегі қажет болды, деп хабарлайды Sports24.kz.
Қазақстандық Данияр Жүніс пен Өзбекстан өкілі Зиед Тохиров MMA бойынша Alash Pride 128 турнирінде кездесті. Жекпе-жек толық қашықтыққа созылмай, мерзімінен бұрын аяқталды.
Айқас екінші раундтың аяқталуына аз уақыт қалғанда тоқтатылды. Тохиров шешуші соққы жасап, Жүніс ауыр нокаутқа түсті. Осыдан кейін төреші жекпе-жекті тоқтатты.
Бұдан бөлек, қазақстандық файтер тордан өздігінен шыға алмай, жедел жәрдем көлігімен ауруханаға жеткізілді.
Айта кетейік, Данияр Жүніс пен Зиед Тохиров үшін бұл Alash Pride FC лигасындағы дебюттік жекпе-жек болды.
Бұған дейін аралас жекпе-жек шебері Бекзат Алмаханның грузиялық RKENA промоушенінде мансабын жалғастыратынын хабарлаған едік. Ұйым өкілдері спортшымен келісімшартқа отырғанын әлеуметтік желілерде ресми түрде жариялады.
