Кравец «Динамоны» жеңгеннен кейін хоккейшілерге үн қатты: «Барыс» киім ауыстыратын бөлмесінен видео
«Барыстың» баспасөз қызметі Құрлықтық хоккей лигасының тұрақты чемпионаты аясында мәскеулік «Динамоға» қарсы өткен матчтағы жеңістен (4:1) кейін команда киім ауыстыратын бөлмесінен видео жариялады, деп хабарлайды Sports24.kz.
Жеңістен кейін Михаил Кравец хоккейшілеріне сырт алаңдағы турнирде мүмкін болған сегіз ұпайдың алтауын иеленгені үшін алғыс айтып, олардың мұз үстінде бар күшін салғанын атап өтті:
«Жарайсыңдар, жарайсыңдар. Сапар үшін, мінездерің мен жігерлерің, жанқиярлықтарың, голдарың және көптеген жақсы істерің үшін рақмет. Әрине, қателіксіз болмайды. Бұл түк емес. Ең бастысы — шайбаны тістерімен қағып алатындай зор ықыласпен ойнадыңдар, қақпашыға көмектестіңдер, ол да бізге көмектесті. Сондықтан, айтпақшы, жолымыз болып жатыр. Біздікі кіріп жатыр, олардікі — жоқ. Бұл маңызды, өйткені жеңіс үшін бар күштеріңді салдыңдар. Бұл өте қажет жеңістер. Үйге қайтып, әрі қарай дайындаламыз. Баршаңызды жеңіспен құттықтаймын!» — деді Кравец ойыннан кейін хоккейшілерге.
«Барыс» төрт сырт алаңдағы матчтан кейін, оның үшеуінде жеңіске жетіп, бірінде жеңіліс тапты (барлығы — негізгі уақытта), Астана командасы өз жанкүйерлері алдында екі кездесу өткізеді.
