«Қайраттың» Чемпиондар лигасындағы топтық кезеңдегі соңғы матчы ойсырата жеңіліспен аяқталды
Алматылық «Қайраттың» футзалдан УЕФА Чемпиондар лигасының топтық кезеңіндегі соңғы матчы ойсырата жеңіліспен аяқталды, деп хабарлайды Sports24.kz.
Топтық кезеңнің үшінші турында қазақстандық клуб бельгиялық «Спортинг-Андерлехтке» қарсы ойнады.
Командалар матчты келесі құрамда бастады:
«Спортинг-Андерлехт»: Фельтен, Тараканов, Ракич, Раулу — Кардун, Белимов, Ранжел, Эду, Диллин, Гомес, Кандерхейден, Грелло, Брито.
«Қайрат»: Томаселли, Рашит, Иманбеков, Руис, Рафао — Пауло, Гонсалвеш, Дарыбай, Сейтнұр, Герейханов, Уәлиуллин, Карпов, Тоқаев, Кошта.
Бірінші тайм «Қайрат» үшін толығымен сәтсіз өтті. Алматылық ұжым үзіліске 0:4 есебімен ұтылып кетті. Бұдан бөлек, Павел Карпов қазақстандық команданы кем құрамда қалдырды.
Ойынның екінші бөлігінде «Қайрат» қақпасына тағы төрт гол соғылды. Алматылықтар Камиль Герейханов, Кайо Руис және Камилоның дәл соққыларымен жауап берді. Таблодағы қорытынды есеп — бельгиялық команданың пайдасына 8:3.
Осылайша, қазақстандық команда топтық кезеңді алты ұпаймен екінші орында аяқтады. Алматылық ұжым турнирдің негізгі кезеңіндегі матчтарға қатысудан бас тартқаны үшін УЕФА румыниялық «Юнайтед Галацқа» 0:5 есебімен үш техникалық жеңіліс бергеннен кейін, 1/8 финалдағы орнын мерзімінен бұрын қамтамасыз етті.
Айта кетейік, бұған дейін футзалдан Чемпиондар лигасының 1/8 финалына «Семей» шыққан болатын.
