Нани «Ақтөбедегі» өнеріне қорытынды жасап, Қазақстан туралы жылы лебіз білдірді
Португалияның жұлдызды футболшысы Луиш Нани «Ақтөбедегі» өнеріне қорытынды жасады, деп хабарлайды Sports24.kz.
Португалиялық ардагер Instagram желісіндегі жазбасында клуб пен Қазақстан туралы әсерімен бөлісті.
«Футболдың ерекшелігі — оның алаңда болып жатқан жайттардан әлдеқайда ауқымды болуында. Бұл — адамдар, ортақ сезімдер және осы жолда орнататын байланыстар.
Қазақстанда мен жаңа мәдениетпен танысып, мені соншалықты жылы қабылдаған қауымдастықтың бір бөлігі болу мүмкіндігіне ие болдым. «Ақтөбеде» мен мансабым барысында жинақтаған білімім мен тәжірибемді барынша бөлісуге тырыстым. Осылайша клубтың дамуына өз үлесімді қосып, оның алаңда да, одан тыс жерде де өсуіне көмектескім келді.
Клубқа, оның қызметкерлеріне, жанкүйерлеріне және ондағы уақытымды осындай ерекше еткен барша жанға алғыс айтқым келеді. Сіздер әрдайым жүрегімде боласыздар», — деп жазды Нани.
Еске салайық, 39 жастағы португалиялық футболшы «Ақтөбеге» 2026 жылдың қаңтарында қосылған болатын. Оның келісімшарты ағымдағы маусымның соңына дейін жасалған еді.
Чемпионат аясындағы 23 матчта ойыншы 1 гол соғып, 4 нәтижелі пас берді. Қазақстан кубогында Луиш 2 ойын өткізіп, 2 гол соқты.
