Самородов пен Кенжебек РПЛ клубында бас бапкерсіз қалады

Ресейлік бапкер Станислав Черчесов грозныйлық «Ахматтан» кетеді, бұл туралы Sports24.kz Championat.ru-ға сілтеме жасап хабарлайды.

Грозныйлық команда маусымды сәтсіз өткізіп жатыр. 13 турдан кейін «Ахмат» 11 ұпаймен Ресей Премьер-лигасының турнир кестесінде соңғы алдындағы, 15-орында тұр.

• «Самородовтың ұлттық құрама сапында қалай ойнағанын білмеймін»: Черчесов Шкипке шүйлікті

31 қазанда грозныйлықтар мәскеулік «Динамоға» 0:2 есебімен еш мүмкіндіксіз есе жіберіп, онсыз да қиын турнирлік жағдайын ушықтыра түсті.

Айта кетейік, «Ахмат» сапында Қазақстан ұлттық құрамасының екі ойыншысы — Максим Самородов пен Ғалымжан Кенжебек өнер көрсетеді. Самородовтың осы маусымда барлық турнирде өткізген 13 матчында бір голы және екі нәтижелі пасы бар. Кенжебек алаңға алты рет шығып, нәтижелі әрекеттерімен көзге түспеді.

Данияр Қайратов

Редактор

0 0 0 0 0 0