«Семей» топтық кезеңнің екінші орын үшін матчында «Минерваны» ойсырата жеңді
31 қазанда «Семей» футзалдан УЕФА Чемпиондар лигасы топтық кезеңінің соңғы матчын өткізді, деп хабарлайды Sports24.kz.
Қазақстандық команданың қарсыласы швейцариялық «Минерва» болды. Командалар 1-топтағы екінші орын үшін таласты. Кездесу «Семейдің» 5:1 есебімен ойсырата жеңісімен аяқталды.
Командалар үзіліске қазақстандық ұжымның пайдасына 2:1 есебімен кетті. 15-минутта Доменико Костаманья швейцариялық команданы алға шығарды. Алайда Дедезиньо есепті теңестірсе, Биржан Оразов семейліктерді алға шығарды.
Ойынның екінші бөлігінде Габриэль Кандидо дубль жасады, ал Нұрсұлтан Пиялы қорытынды есепті 5:1-ге жеткізді. Осылайша, семейліктер өз тобында екінші орын алды.
Алдыңғы турларда «Семей» словакиялық «Лученецті» 6:0 есебімен ойсырата жеңіп, испаниялық «Барселонадан» 1:6 есебімен жеңілді. Қазақстандық команда өз тобында 6 ұпай жинады.
Айта кетейік, екінші орын «Семейге» 1/8 финалда себінді команда мәртебесін алуға мүмкіндік береді. Қазақстандық клубтың плей-оффтағы қарсыласы А жолындағы топтардың біріндегі үшінші команда немесе Б жолындағы топ жеңімпазы болады.
Еске сала кетейік, Қазақстанның футзалдан Чемпиондар лигасындағы тағы бір өкілі — алматылық «Қайрат». Ол бұған дейін 1/8 финалдағы орнын қамтамасыз еткен.
