Байсуфинов «Қайсардың» ҚПЛ-дан түсіп қалуына қатысты пікір білдірді
«Қайсар» клубының бас бапкері Талғат Байсуфинов ҚПЛ-дің 30-туры аясында «Жеңіске» қарсы өткен матчтағы (1:2) жеңілістің қорытындысын шығарды. Бұл нәтиже қызылордалық команданың элиталық дивизионнан түсіп қалуына әкелді, деп хабарлайды Sports24.kz.
«Егер жігіттер бірінші таймда екінші таймдағыдай ойнағанда, нәтиже басқаша болар еді. Жұмыстың алғашқы күнінен бастап жігіттерге турнир кестесіндегі жағдайды айттық: бізге жеңіс пен ұпай қажет болды. Бірінші таймда дауысты көтермедік. Көңіл күйді тек жаттығуда емес, ойында да көрсету керек. Бірінші тайм осылай өтті.
Екінші таймда, құдайға шүкір, ашылып, ойнай бастадық, мықтырақ көріндік. Барлық ауыстыруды шабуылды күшейтіп, гол соғу үшін жасадық. Шабуыл шебіндегі ойыншыларды шығардық. Біз проблемаларды түсінеміз, жарақат алған футболшылар болды.
Легионерлер жетіспеді: біреулерінде төрт сары карточка болды, енді біреулері жарақат алды. Чемпионат аяқталды. Маусымды финалмен қорытындылаймыз, енді соған назар аударамыз», — деп Байсуфиновтың сөзін келтіреді Sports.kz.
«Жеңістен» жеңілу «Қайсардың» Қазақстан Премьер-лигасындағы өнеріне нүкте қойды. Чемпионат қорытындысы бойынша қызылордалық клуб түсіп қалу аймағында қалып, келесі маусымда Бірінші лигада өнер көрсетуге мәжбүр болады.
7 қарашада қызылордалық команда Қазақстан кубогының финалдық матчында шымкенттік «Ордабасымен» кездеседі.
