Видео. Астанада жанкүйерлер Қазақстан құрамасын қалай қарсы алды
Жанкүйерлер жылы қарсы алды
Футбол
Аружан Темірбек
Редактор
ФОТО: KFF
15 қазанға қараған түні Астана әуежайында ерекше атмосфера орнады - ондаған жанкүйер Солтүстік Македониямен өткен ойында (1:1) тең түскен Қазақстан құрамасын қарсы алу үшін жиналды.
Ел намысын қорғаған футболшыларды қолында туы мен плакаты бар жанкүйерлер зор ықыласпен қарсы алып, алғыстарын білдірді.
Еске сала кетсек, Солтүстік Македониямен өткен ойында Қараман керемет орындаудағы соққымен есеп ашқан еді, алайда алаң иелері екінші таймда таразы басын теңестірді. Соған қарамастан, Талғат Байсуфинов шәкірттері мінез көрсетіп, жанкүйерлерге лайықты ойын сыйлады.
Қазір Қазақстан құрамасы J тобында 7 ұпай жинап, 4-орында келеді.
