Уильямс пен Ямаль Испания құрамасының негізгі құрамында Кабо-Вердеге қарсы ойнай ма — белгілі болды
Испания құрамасының күтілетін құрамы 2026 жылғы әлем чемпионатындағы Кабо-Вердеге қарсы алғашқы матч алдында өзгеріске ұшырады, деп хабарлайды Sports24.kz.
Cadena SER мәліметінше, Испания құрамасының жұлдызды вингерлері Нико Уильямс пен Ламин Ямаль алдағы ойынға дайын болады. Алайда, олар бастапқы құрамда шықпайды – Испанияның медициналық және бапкерлік штабы тәуекелге бармауды жөн көріп, екі вингер де ойынды қосалқы құрамда бастайды және екінші таймда шектеулі минуттар алады деп күтілуде.
«Ла Роха» жанкүйерлері әсіресе «Барселона» жас дарын иесінің жағдайына ерекше қуанып отыр. Ямаль толық қалпына келіп, бұрынғы бұлшық ет жарақатынан толық айыққаны хабарланды.
Айта кетейік, әлем чемпионатындағы өз тобында Испания Уругвай, Сауд Арабиясы және Кабо-Вердемен ойнайды. «Фурия Роханың» турнирдегі алғашқы кездесуі 15 маусымда өтеді.
Айтпақшы, Opta суперкомпьютері әлем чемпионатының басты фаворитін атады.
