«Тоқтату қиын»: Уразбахтин Сатпаевтың «Челси» сапындағы дебютін бағалады
«Қайрат» клубының бас бапкері Рафаэль Уразбахтин клубтың түлегі Дастан Сатпаевтың «Челси» сапындағы дебютіне пікір білдірді, деп хабарлайды Sports24.kz.
«Біз барлығымыз «Челси» матчын көрдік – бапкерлік штаб және футболшылар. Өткен жылы жағдай бізді Дастанды сол жақ вингер ретінде қолдануға мәжбүр етті, бұл үшін бапкерлер алқасы қуанды. Академияда, барлық жасөспірімдер командасында ол таза «тоғыздық», яғни шабуылшы болып ойнады. Бірақ біз оны сол жаққа шығардық. Бұл Дастан үшін жаңа тәжірибе болды. Әрине, ол жерде өзіне әрдайым қолайлы бола бермеді.
Соған қарамастан, ол сол жерде ойнауға тырысты. Ұлттық құрамада да оны сол қапталда пайдаланды. Кеше бапкерлер алқасы: «Жақсы болған екен, біз оны сол жақта ойнатқанымызға», – деп ойладық. Ол позицияда тәжірибе жинағанына қуаныштымыз. Дастан өзіне тән мәнерде гол салды. Егер Сатпаев орталықта бос кеңістікке шықса, оны тоқтату қиын. Бізде ол осындай голдарды өте көп соқты», – деді Уразбахтин «Чемпионат» тілшісіне берген сұхбатында.
Кеше, 28 шілде күні, Сатпаев дебюттік матчында «көк жейделілер» үшін гол соқты. Форвард «Вестерн Сидней Уондерерс» клубымен болған жолдастық кездесудің алтыншы минутында есеп ашты.
Еске сала кетейік, маусым айында 17 жастағы Сатпаев Алматының «Қайратымен» ресми түрде қоштасып, Ұлыбритания астанасына жол тартып, футболдағы жаңа кезеңін бастаған еді.
Дастанның Лондон клубына ауысуы оның 18 жасқа толатын тамыз айынан кейін жүзеге асады. Перспективалы форвардтың трансфері ағылшын Премьер-лигасының алыбына 2,4 млн еуроға түсті.
