«Тобыл» жауап матчында «Партизанға» қарсы құрамын жариялады
«Тобыл» Белградтың «Партизанына» қарсы Конференциялар лигасының үшінші іріктеу кезеңіндегі жауап матчына арналған старттық құрамын анықтады, деп хабарлайды Sports24.kz.
Командалардың құрамдары:
«Тобыл»: Бусурманов, Сенаджи, Ндиай, Жагоров, Тагыберген, Сиссе, Асранкулов, Чесноков, Лисакович, Милованович, Герра.
«Партизан»: Крунич, Милич, Роганович, Митрович, Джурджевич, Вукотич, Костич, Алилович, Сек, Трифунович, Койцек.
Кездесу Қостанайда өтеді және жергілікті уақытпен 20:00-де басталады.
Естеріңізге сала кетейік, командалар арасындағы алғашқы матч Белградта өтіп, «Партизанның» ірі жеңісімен аяқталды – 3:0. Сербиялық клуб есепті 33-минутта ашты: бұрыштамадан кейін Демба Сек мергендігімен танылды. Екінші таймда алаң иелерінің басымдығын Зубайру Ибрахим еселей түсті, ал қосымша уақытта соңғы нүктені Шака Траоре қойды.
Бұл дуэльдің жеңімпазы Конференциялар лигасының плей-офф кезеңінде испаниялық «Хетафемен» кездеседі.
Бұған дейін, екінші іріктеу кезеңінде «Тобыл» литвалық «Паневежисті» жарыстан шығарған болатын – негізгі уақытта 2:2, пенальти сериясында 3:2.
