Суперкомпьютер УЕФА Суперкубогіндегі «ПСЖ» - «Астон Вилла» матчы бойынша болжам жасады
Opta суперкомпьютері 2026 жылғы УЕФА Суперкубогі үшін өтетін «Пари Сен-Жермен» - «Астон Вилла» матчының жеңімпазын болжады, деп хабарлайды Sports24.kz.
Бұл туралы Opta Analyst мәлім етті.
«Пари Сен-Жерменнің» негізгі уақытта жеңіске жету ықтималдығы – 45 пайыз, ал «Астон Вилланың» – 29,6 пайыз. 90 минуттан кейін тең есеп тіркелу мүмкіндігі 25,4 пайызға бағаланған.
2025 жылы УЕФА Суперкубогінің иегері «Пари Сен-Жермен» атанды. Париждік клуб ағылшынның «Тоттенхэм Хотспурын» 2:2, 4:3 пенальти сериясы нәтижесінде жеңді. Кездесу Италияда өтті. «Тоттенхэм» сапында Микки ван де Вен мен Кристиан Ромеро көзге түсті. «ПСЖ» құрамынан Ли Кан Ин мен Гонсалу Рамуш гол соқты.
Жеке кездесулер статистикасы
Бұл – «ПСЖ» мен «Вилланың» тек үшінші кездесу болады, бұған дейін олар 2024/25 жылғы маусымдағы Чемпиондар лигасының ширек финалында екі матч өткізген.
«Пари Сен-Жермен» өз алаңында 1/8 финалда 3:1 есебімен жеңіске жетіп, сырт алаңдағы «Вилла Паркта» 2:3 есебімен жеңілсе де, жалпы есепте 5:4 нәтижесімен келесі кезеңге өтті.
«Вилла» үшін бұл Суперкубоктағы бар болғаны екінші матч болмақ – 1983 жылы олар Еуропа чемпиондары кубогының иегері ретінде «Барселонаны» жалпы есепте 3:1 (қонақта 0:1, үйде 3:0) есебімен тізе бүктірген.
