ПСЖ мен Астон Вилла арасындағы УЕФА Суперкубогы үшін айқас: қайдан көруге болады
«ПСЖ» мен «Астон Вилла» арасындағы матч Австрияның Зальцбург қаласындағы «Ред Булл Аренада» өтеді, деп хабарлайды Sports24.kz.
«ПСЖ» бұл ойынға 2024/25 маусымының Чемпиондар лигасының қазіргі жеңімпазы ретінде келеді. Финалда париждіктер миландық «Интерді» 5:0 есебімен күйрете жеңіп, клуб тарихында алғаш рет басты еурокубок трофейін иеленді.
«Астон Вилла» 2025/26 маусымында Еуропа лигасын жеңіп алды. Финалда Унаи Эмери баптайтын ағылшын ұжымы немістің «Фрайбургін» 3:0 есебімен тізе бүктірді.
Кездесу Қазақстан уақытымен 00:00-де басталады. Матчтың тікелей көрсетілімін Qazsport телеарнасы ұсынады.
- Матчтың ең қызықты сәттері live режимінде Telegram-дағы Sports24.kz арнасында қолжетімді болады
Командалардың соңғы кездесуі 2025 жылдың сәуірінде Чемпиондар лигасының ширек финалында өткен еді. «ПСЖ» алғашқы ойында 3:1 есебімен жеңіске жетсе, қарымта матчта Бирмингемде 2:3 есебімен ұтылды. Екі кездесудің қорытындысы бойынша париждіктер 5:4 есебімен жартылай финалға өтті де, өз жолын чемпиондық атаққа дейін жалғастырды.
