«Су*ин ұлы» — «Атлетико» жанкүйерлері Хулиан Альваресті балағаттады
Хулиан Альварес пен «Атлетико Мадрид» жанкүйерлерінің бір бөлігі арасындағы шиеленіс шегіне жетті, деп хабарлайды Sports24.kz.
ElDesmarque дерегінше, «Метрополитано» стадионының оңтүстік трибунасындағы жанкүйерлер «Атлетиконың» «Малага» командасын 2:0 есебімен жеңгеннен кейін аргентиналыққа дөрекі ұрандар айқайлады.
Жанкүйерлер бірнеше мәрте аргентиналық шабуылшыға «Хулиан Альварес, су*ин ұлы» деп айқайлады. Ол Диего Симеоне алғашқы Ла Лига ойынына құрамға қоспаған еді.
Бұл ұранды бүкіл стадион емес, тек алаң иелерінің бір бөлігі ғана қолдады. Дегенмен, бұл шабуылшының болашағына қатысты көңіл толмаушылықтың күшейіп келе жатқанын көрсетті. ElDesmarque мәліметінше, «матрасниктердің» кейбір жанкүйерлері Альварестің Мадридтен кеткісі келетіні туралы жазда тараған трансферлік қауесеттерге қатысты реакциясына ренжулі.
Айта кетейік, Альварес «Малагаға» қарсы матчты өткізіп алды, себебі ол командамен небәрі бір аптадай ғана жаттыққан, сондықтан Симеоне оны ойынға қоспауға шешім қабылдады.
Сондай-ақ, аргентиналық шабуылшы 2025/26 жылғы маусымда «Атлетико Мадрид» сапында барлық турнирде 20 гол соқты, оның ішінде Чемпиондар лигасында — 10, Ла Лигада — 8. Transfermarkt форвардтың нарықтық құнын қазір 120 миллион еуро деп бағалайды, ал оның «матрасниктермен» келісімшарты 2030 жылға дейін жарамды.
