Қазақстанда «Атлетико» – «Манчестер Юнайтед» матчына нақты есеп бойынша болжам жасалды
Қазақстандық танымал спорт журналисі әрі комментатор Дидар Есемов УЕФА Чемпиондар лигасының жалпы кезеңі аясында өтетін «Атлетико» мен «Манчестер Юнайтед» арасындағы матчқа болжам жасады, деп хабарлайды Sports24.kz.
«Бұл матчта «Атлетико» айқын фаворит саналады. Мадридтік команда алдыңғы турда да ағылшын клубымен кездесіп, «Ливерпульден» жеңіліп қалды. Дегенмен, маусымның осы кезеңінде «Атлетико» Англия Премьер-лигасында күрделі мәселелерге тап болып, қысым сезініп жүрген «Манчестер Юнайтедтен» әлдеқайда мықты көрінеді. Менің болжамым бойынша, мадридтік клуб жеңіске жетеді. Команданың шабуыл шебінде таңдау мүмкіндігі мол. Хулиан Альварес негізгі құрамда алаңға шыға ма, жоқ па, көре жатармыз. Егер ол алғашқы минуттардан ойнамаса, Ли Кан Ин мен Баэна секілді футболшылар бар. «Манчестер Юнайтедтің» қорғанысын бұзудың бірнеше жолы бар. Оның үстіне, ағылшын командасы осы маусымда қорғаныста сенімді ойын көрсетіп жүрген жоқ. Менің ойымша, «Атлетико» 2:1 есебімен жеңіске жетеді», – деді Дидар Есемов.
Айта кетейік, Чемпиондар лигасының жалпы кезеңіндегі алғашқы турда «Атлетико» сырт алаңда «Ливерпульден» 1:2 есебімен жеңіліп қалды. Ал ағылшындық «Манчестер Юнайтед» Қазақстан құрамасының қақпашысы Стас Покатилов өнер көрсететін әзербайжандық «Сабахты» 4:0 есебімен ойсырата жеңді.
Матч бүгін Мадридтегі «Сивитас Метрополитано» стадионында өтеді. Кездесу Қазақстан уақытымен түн ортасында басталады.
«Атлетико Мадрид» – «Манчестер Юнайтед». Чемпиондар лигасының матчын тікелей эфирде көру
