«Махачев – менің ең қиын қарсыласым»: Гэрри Шавкаттан жеңілгенін «ұмытты»
Ирландиялық UFC жекпе-жекшісі Иэн Гэрри қазіргі жартылай орта салмақтағы (77 кг дейін) чемпион, ресейлік Ислам Махачевпен өтетін алдағы титулды айқас туралы пікір білдірді, деп хабарлайды Sports24.kz.
Жекпе-жек 16 тамыз күні АҚШ-тың Филадельфия қаласында өтетін UFC 330 турнирінде өтеді.
«Ол сөзсіз біздің буынның ұлы спортшыларының бірі, дәл осындай қарсыласпен жолығуды армандаймын. Оны тас-талқан етсем, бәріне дәлел болады. Махачев – менің ең қиын қарсыласым. Ол – планетаның үздік спортшысы. Есімде болсын: бұл белбеуді алмай, октагоннан шықпаймын», – деп келтіреді UFC баспасөз қызметі Иэн Гэрридің сөзін.
34 жастағы Махачевтің активінде 28 жеңіс және бір ғана жеңіліс бар. 2025 жылдың қарашасында ол Джека Делла Маддаленаны төрешілердің бірауыздан шешімімен жеңіп, UFC-дің екінші салмақ дәрежесінде чемпион атанды. Ресейлік спортшы қазір 16 жекпе-жектен тұратын жеңісті сериясымен келе жатыр.
28 жастағы Гэрридің қоржынында 17 жеңіс және бір жеңіліс бар. 2024 жылдың желтоқсанында Лас-Вегаста өткен UFC 310 турнирінде Шавкат Рахмонов Гэрриді жеңді төрешілердің бірауыздан шешімімен.
Алайда сол кездесуден кейін Мачадо кезекпен Карлос Пратес пен бұрынғы UFC чемпионы Белал Мұхаммедті жеңді.
