Самородовқа екінші сары қағаз көрсетілген сәттегі «фол» видеосы: VAR бұл эпизодқа араласа ала ма?
Өкінішке орай, Максим үшін бұл эпизодқа VAR араласа алмады
Футбол
Жантөре Қайсаров
Редактор
Фото: instagram.com/samorodov_10_/
Венгрия мен Қазақстан құрамалары арасындағы жолдастық матчтағы (3:1) шешуші сәт – Максим Самородовқа екінші сары қағаздың көрсетілуі болды. Бұл эпизодта фол болған-болмағанына күмән туындайды, деп хабарлайды Sports24.kz.
Қайта көрсетілімде Қазақстан құрамасының ойыншысы допқа ойнағаны анық көрінеді, ал венгриялық футболшының көркем құлауы жағдайға драматизм қосты. Сондықтан бұл жағдай толығымен серб төрешісі Павле Иличтің мойнында.
Самородов үшін өкініштісі, әзірге VAR екінші сары қағаз көрсетілген сәттерге араласа алмайды, сондықтан бұл эпизодта видеоассистенттер үнсіз қалды.
Келесі маусымда Еуропада ережелерге өзгерістер енгізілгеннен кейін, VAR жүйесі айқын қате екінші сары қағаздарды қарауға мүмкіндік алады.
