ПСЖ Дембеленің мүлт кетуіне қарамастан, тартысты ойында «Анжеден» жеңісті жұлып алды
22 мен 23 тамыз түні «Парк де Пренс» аренасында өткен Франция чемпионатының 2-тур ойыны париждіктер үшін күтпегендей ауыр болды. «Пари Сен-Жермен» небәрі бір ғана дәл соққының арқасында жеңіске жетті: 50-минутта Фабиан Руис мергендік танытып, есеп ашты — 1:0.
Алайда кездесудің басты сәті алғашқы таймда орын алды. 25-минутта төреші «Анже» қақпасына пенальти белгіледі. Оны орындауға шыққан Усман Дембеле нысанадан мүлт кетіп, есеп ашылмады. Әсіресе таңғаларлығы — дәл осы Дембеле бүгінде «Алтын доптың» басты үміткерлерінің бірі саналады.
Лига 1, 2-тур
ПСЖ — «Анже» — 1:0
Гол: Руис, 50
Айта кетсек, бұл - париждіктердің қатарынан екінші 1:0 есебімен жеңісі. Бұған дейін «Нантты» дәл осындай нәтижемен тізе бүктірген еді. Енді кезекті матч «Тулузаға» қарсы 31 тамызда өтеді.
