Фото. Бодибилдер төреші Лига 1-дің жұлдызына айналды. Дембеле де таңдай қақты
ПСЖ – «Анже» арасындағы кездесу жанкүйерлердің есінде тек Фабиан Руистің голымен ғана емес, күтпеген жағдайымен де қалды. Бірінші таймда бас төреші жарақат алып, ойынды жалғастыра алмады. Оның орнына алаңға төртінші төреші – Микаэль Лелю шықты. Дәл осы сәттен бастап ең қызығы басталды.
Лелю алаңға киім ауыстырып шыға бергенде камералар оның бұлшық етке толы мүсінін – кең иықтары мен мығым қол-кеудесін көрсетіп үлгерді. Әлеуметтік желілер бірден «қызды»: жанкүйерлер оны «Лига 1-нің ең бруталды төрешісі» деп атап, төрешінің киініп шыққан сәтін вирустық фотоға айналдырды.
Матч ПСЖ-ның 1:0 есебімен жеңісімен аяқталса да, көпшіліктің назарында Дэмбеле немесе Руис емес, Еуропадағы «ең бұлшық етті төреші» атанған жаңа интернет-батыр – Микаэль Лелю болды.
