«Ордабасы» қысқы оқу-жаттығу жиындарының жоспарын анықтады
«Ордабасы» маусым аяқталғаннан кейінгі қысқы оқу-жаттығу жиындарының жоспарын анықтады, деп хабарлайды Sports24.kz.
ASnews.kz ресурсының мәліметінше, жиынның алғашқы кезеңін ҚПЛ көшбасшысы Біріккен Араб Әмірліктерінде өткізеді. Шымкенттік команда екінші оқу-жаттығу жиынын Түркияда өткізуді жоспарлап отыр. Бақылау матчтарындағы қарсыластар тізімі кейінірек жарияланады.
Айта кетейік, «Ордабасы» Қазақстан Премьер-лигасындағы 11 жылдағы алғашқы чемпиондыққа бір табан жақындады. «Қайсарды» жеңгеннен кейін Андрей Мартин шәкірттері «Қайраттан» алшақтығын төрт ұпайға жеткізді.
Екі команда да 27 матчтан өткізді, сондықтан кейінге шегерілген турды есептегенде, олардың алдында әлі үш кездесу бар. 17 қазанда «Ордабасы» 23-турының кейінге шегерілген матчында сырт алаңда «Ақтөбеге» қарсы ойнайды.
