«Бернли» бапкері Сатпаев үшін Вардипен бірге ойнаудың пайдасын атады
«Бернли» бас бапкері Никки Хайен Дастан Сатпаев пен Джейми Вардиның бірге ойнауынан күтетін нәтижесі туралы айтып, тәжірибелі серіктестің жас талантты форвардқа берер пайдасын атап өтті, деп хабарлайды Sports24.kz.
«Дастанның Джейми Вардипен бірге ойнауы оған қандай пайда береді? Әрине, бұл Дастан үшін үлкен плюс, өйткені Джеймидің тәжірибесі мол. Ал Дастан — ақылды әрі әлі де жас ойыншы. Ол Джеймидің тәжірибесіне сүйене отырып, одан көп нәрсе үйрене алады.
Сондықтан ақылдырақ болу үшін ол Джеймиді тыңдауы керек. Бірақ, әрине, ол онымен бәсекелесе алады және болашақта екеуі бірге ойнауы да мүмкін», — деді Хайен.
Айта кетейік, 16 қазаннан 17 қазанға қараған түні Сатпаев өнер көрсететін «Бернли» Чемпионшиптің 11-турында «Вулверхэмптонды» қабылдайды. Матч Қазақстан уақытымен 00:00-де басталды.
Қазақстан құрамасының шабуылшысы кездесуді «бордолықтардың» қосалқы құрамында бастады.
Осы маусымда 18 жастағы қазақстандық форвард бес матчқа қатысып, голдарымен және нәтижелі пастарымен көзге түсе алмады. Бұған дейін қазақстандық футболшы жарақатына байланысты бірнеше ойынды өткізіп алған.
