ВИДЕО: Канело жекпе-жегінің андеркардындағы қазақстандық боксшының айқасы әсерлі нокаутпен аяқталды

Қазақстандық боксшы Бек Нұрмағанбет Сауд Арабиясының Эр-Рияд қаласында өткен бокс кешінде сенімді жеңіске жетті, деп хабарлайды Sports24.kz.

Жеңілмеген қазақстандықтың қарсыласы Мексика өкілі Маркос Васкес болды. Жекпе-жек басты оқиғасы Сауль «Канело» Альварес пен француз Кристиан Мбилли арасындағы айқас болатын бокс кеші аясында өтті.

• Сондай-ақ оқыңыз: ВИДЕО: Ақтөбедегі бокс кешінде Қазақстан - Өзбекстан жекпе-жегі нокаутпен аяқталды

Бірінші раундтың соңында Нұрмағанбет қарсыласын ауыр нокаутқа түсірді. Осыдан кейін мексикалық боксшы жекпе-жекті жалғастыра алмады.

Осылайша, қазақстандық боксшы кәсіпқой рингтегі 17-жеңісіне қол жеткізді (оның 15-і нокаутпен), ал Васкес төртінші жеңілісіне ұшырады.

Данияр Қайратов

Редактор

1 0 0 0 0 0