Мәссаған: Сатпаев «Бернлидің» бірден үш көрсеткіш бойынша үздік ойыншысы
Дастан Сатпаев «Бернлидің» барлық ойыншылары арасында әр 90 минутқа шаққандағы көрсеткіштер бойынша көш бастап тұр, деп хабарлайды Sports24.kz.
Белгілі футбол сарапшысы әрі блогер Александр Голдберг Қазақстан құрамасының шабуылшысы командадағы серіктестері арасында мына көрсеткіштер бойынша үздік екенін растады:
- Жасалған голдық мүмкіндіктер.
- Күтілетін голдық пастар.
- Сәтті дриблингтер.
Сонымен қатар сарапшы Сатпаевтың жанкүйерлер ойынын тамашалаудан шын мәнінде ләззат алатын «бордолылардың» санаулы ойыншыларының біріне айналғанын атап өтті. Сондай-ақ Александр Голдберг алдағы уақытта Дастанның командадағы рөлі одан әрі арта түсетініне сенімді.
Айта кетейік, «Мидлсброға» қарсы соңғы матчта Сатпаев негізгі құрамда алаңға шығып, шамамен 80 минут ойнады және кездесудің үздік ойыншысы атанды. Қазақстандық шабуылшы қарсылас қақпасына екі дәл соққы жасап, бір кілтті пас берді және матчты 94 пайыздық пас дәлдігімен аяқтады.
Бұған дейін «Бернлидің» бас бапкері Сатпаев туралы жоғары бағасын білдірген еді.
Еске салайық, «Бернли» келесі матчын сенбі, 5 қыркүйекте «Бристоль Ситиге» қарсы өткізеді. Ойын сағат 19:00-де басталады (Қазақстан уақытымен).
