Мозес бапкерсіз қалды: Ферапонтов отставкаға кетті
«Қайсар» команданың бас бапкері Андрей Ферапонтовтың қызметтен кеткенін жариялады, ол өз еркімен қызметінен кету туралы өтініш жазды, деп хабарлайды Sports24.kz.
Қызылордалық клубтың баспасөз қызметі бұрынғы бапкеріне атқарған жұмысы үшін алғыс айтып, оған зор табыс тіледі:
«Рақмет, Андрей Святославович! Бүгін «Қайсар» футбол клубының бас бапкері Андрей Ферапонтов өз еркімен қызметінен кетті.
Андрей Святославовичке «Қайсар» футбол клубындағы адал еңбегі үшін зор алғысымызды білдіреміз және бапкерлік жолында толағай табыс, шығармашылық ізденіс пен жаңа жеңістер тілейміз!» — деп мәлімдеді «Қайсар».
Ферапонтов команданы 2025 жылдың желтоқсанында қабылдап, «қасқырлар» сапында 28 матч өткізді. Оның ішінде жеті кездесуде ғана жеңіске жетіп, он рет тең ойнап, 11 рет жеңіліске ұшырады.
Олардың төртеуі соңғы төрт матчта тіркелді. Бұл кездесулерде «Қайсар» кубоктан шығып, «Жеңіске» қарымта матчта жол берді, сондай-ақ чемпионатта «Ақтөбе», «Тобыл» және «Оқжетпеске» жеңілді.
«Қайсар» Ферапонтовтың мұрагерінің есімін жариялаған жоқ, алайда бұған дейін оның орнына «Барселонаның» бұрынғы қақпашысы, испаниялық футбол аңызы Виктор Вальдес келуі мүмкін екені хабарланған болатын.
