Мессидің ұлттық құрамамен мансабын қашан аяқтайтыны белгілі болды
Журналист Фран Касаретто «Интер Майами» шабуылшысы Лионель Месси әзірге ұлттық құрамамен мансабын аяқтауды жоспарламайтынын хабарлады, деп жазады Sports24.kz.
Дереккөздің аргентиналық жұлдызға жақын адамдардан алған ақпаратына сәйкес, 39 жастағы футболшы Аргентина құрамасында өнер көрсетуін жалғастырмақ.
«Лионель Мессиге жақын дереккөздердің мәліметінше, ол әзірге халықаралық мансабын аяқтауды жоспарлап отырған жоқ. Күтулерге сәйкес, Месси Аргентина құрамасындағы өнерін 2028 жылғы Америка Кубогынан кейін аяқтайды», – деп жазды Касаретто X әлеуметтік желісінде.
Еске сала кетейік, 2026 жылғы әлем чемпионатында Месси 8 гол соғып, 4 нәтижелі пас берді, алайда бомбардирлер жарысында Франциядан Килиан Мбаппеден (10 гол және 4 пас) қалып қойды.
ЧМ-2026 финалында Аргентина Испания құрамасына есе жіберді. Месси алаңда 120 минут ойнады, бірақ нәтижелі әрекетпен көзге түсе алмады.
Месси әлем чемпионатын алғаш рет 2022 жылы ұтып алған болатын, ал 2026 жылы құрамамен үшінші рет финалға дейін жетті. Қазіргі футболшылардың ешқайсысы Месси сияқты әлем чемпионатының финалында үш мәрте ойнаған емес.
