«Реал» клуб тарихындағы ең қымбат трансферге дайындалып жатыр
«Реал Мадрид» өз тарихындағы ең қымбат трансферге дайындалып жатыр, деп хабарлайды Sports24.kz.
Журналист Пепе Альварестің айтуынша, Ян Диоманде «корольдік клуб» тарихындағы ең қымбат ойыншы болуы мүмкін. Бонустарды есептегенде, «РБ Лейпциг» сапындағы ивуариялық вингердің трансферлік құны 135,8 миллион еуродан асып түсуі ықтимал.
Алайда, трансфер әлі ресми түрде жарияланған жоқ. «Реал» мен «РБ Лейпциг» арасындағы келіссөздер әлі де қызу жүріп жатыр, ал мадридтік клуб 19 жастағы ойыншыны жақын арада медициналық тексерістен өткізуді көздеп отыр.
Егер барлық нәтижелік бонустар іске қосылса, Диоманде «Лос Бланкос» үшін жаңа трансферлік рекорд орнатады.
Айта кету керек, өткен маусымда ивуариялық футболшы «быктар» сапында барлық турнирлерде 36 матч өткізіп, 13 гол соғып, 10 нәтижелі пас берген. Transfermarkt деректері бойынша, қазір ивуариялық вингердің нарықтық құны 90 миллион еуроға бағалануда.
Бұған дейін «Арсенал» «Реалдың» жұлдызын рекордтық сомаға сатып алатынына сенімді екені хабарланған еді.
